Rustenburg: belydenis en vergifnis

Twee kerkeberade staan in die vorige eeu en in die NG Kerk se lang reis met apartheid uit: Die Cottesloe-kerkeberaad in 1960 en die Rustenburgse kerkeberaad wat van 5 tot 9 November 1990 gehou is.

By Cottesloe is apartheid deur die wêreld se kerke verwerp, maar die NG Kerk het vasgesteek. By Rustenburg het die NG Kerk sy skuld oor apartheid aan die kerke van Suid-Afrika bely . . . en was daar vergifnis (by sommige).

Dis ’n storie wat die moeite werd is om weer te vertel.