Die Hoërskool Strand het sy ope dag verlede Maandag (20 Februarie) gehou en was bevoorreg om talle voornemende Arende en hul ouers by die skool te verwelkom. Die spesiale gaste is ontvang deur leerders van die Arend-raad, wat onderskeie groepe met ’n toer deur die skool en sportterrein begelei het. Elke besoeker het ’n heerlike sjokoladekolwyntjie met ’n welkomvlaggie ontvang, wat deur leerders van die verbruikerstudieklas gebak is. Die gaste is ook heerlik deur die skool se toutrekspanne vermaak, wat moes “improviseer” met die “trek” van ’n Toyota Fortuner-motor. Die toer is afgesluit met ’n verwelkoming deur die skoolhoof, Danie Malan, en die beheerliggaamvoorsitter, Eben Potgieter. Hoërskool Strand het sy dankbaarheid aan elke leerder en ouer wat die dag bygewoon het, en hul opgewondenheid vir dié wat in 2024 as deel van die Arend-familie gaan terugkeer, uitgespreek. Die skool herinner aanlyn aansoeke by die WKOD open Maandag 13 Maart en sluit Vrydag 14 April.
Arende vier ope dag
