.

Piketberg-jeug kan begin planne maak

akkreditasie
Jongmense van Piketberg kan solank begin opgewonde raak, want bouwerk aan die langverwagte Pietie Fredericks-jeugsentrum in Calendulastraat vorder baie goed. Foto: Bergrivier-munisipaliteit
Jongmense van Piketberg kan solank begin opgewonde raak, want bouwerk aan die langverwagte Pietie Fredericks-jeugsentrum in Calendulastraat vorder baie goed. Foto: Bergrivier-munisipaliteit

Piketberg se jongmense kan solank begin opgewonde raak, want die jeugsentrum in Calendulastraat is byna voltooi.

Ray van Rooy, die Bergrivier-munisipaliteit (BM) se burgemeester, het verlede jaar plaaslike jongmense daarvan bewus begin maak dat die langverwagte jeugsentrum uiteindelik ’n werklikheid word. Die konstruksiefase van die projek was teen die vierde kwartaal van 2021 reeds goed op dreef.

Volgens Van Rooy is besluit om die geriewe te vernoem na Pietie Fredericks, wat voorheen vir die regte en die verbetering van die lewensgehalte van Piketberg se jongmense baklei het.

Volgens ’n persverklaring van BM in Maart is die Pietie Fredericks-jeugsentrum in Piketberg ’n R5,5 miljoen-beleggingsprojek, wat deur die munisipaliteit in samewerking met PPC De Hoek, Suiderlandplase, TipTrans en die Wes-Kaase provinsiale regering aangepak is.

Die doel van die jeugsentrum is om sterk jeugleiers vir die toekoms in die munisipale gebied te ontwikkel.

Die sentrum sal verskeie programme aanbied om jongmense fisiek en geestelik deur binnenshuise sport, nasorg, onderrig en ander vaardigheidsontwikkelings­inisiatiewe te ontwikkel.

Alletta van Sittert, bestuurder van strategiese dienste by die munisipaliteit, sê een van die BM se groot uitdagings is ’n gebrek aan voldoende ontwikkelingsgeriewe vir die jeug. “Die munisipaliteit het besluit die Pietie Fredericks-jeugsentrum sal ’n ideale jeugontwikkelingsinisiatief wees. Om ’n geïntegreerde benadering te verseker, word jeuggeriewe met ander behoeftes gekombineer om die beste benutting en ’n holistiese benadering tot die sameling as ’n geheel te skep,” het sy gesê.

Fase 1 van die projek, wat ’n groot deel van die bouwerk van die gebou behels, is nou feitelik voltooi.

Fase 2 van die projek word hoofsaaklik deur die Wes-Kaapse regering finansier en bouwerk aan die hierdie fase het vandeesweek reeds begin.

besig om te laai... Regstreeks
Zimbabwe 153/4
Namibia 73/2
besig om te laai... Regstreeks
Bangladesh 318/3
Sri Lanka 397/10
Rand - Dollar
15.95
+1.2%
Rand - Pond
19.89
+0.1%
Rand - Euro
16.80
+0.3%
Rand - Aus dollar
11.20
+0.5%
Rand - Jen
0.12
+1.6%
Goud
1,828.18
+0.2%
Silwer
21.69
+0.3%
Palladium
2,069.50
+2.1%
Platinum
958.50
+1.3%
Brent-ruolie
114.24
+2.6%
Top-40
63,407
+1.5%
Alle aandele
70,087
+1.3%
Hulpbronne 10
73,348
+2.1%
Industriële 25
78,387
+1.7%
Finansiële 15
15,895
-0.2%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos