Gift of the Givers het onlangs ná ’n versoek van die gemeenskapswerker Freek Jacobs vyf rolstoele geskenk om aan behoeftiges in die Wellington-omgewing te skenk. Een van die begunstigdes is die 62-jarige Johan de Vries. De Vries het albei bene verloor en sy broer het hom die afgelope sewe jaar op sy rug gedra wanneer hy êrens moes gaan. Die ander begunstigdes was twee bejaarde vroue, ’n bejaarde man asook ’n tienerseun. Volgens Jacobs het raadslid Ruth Arnolds en die span gemeenskapswerkers wat saam met haar werk, gehelp om die begunstigdes te identifiseer. Van links is Freek Jacobs, Clifford de Vries, Philesa Ntsila (Gift of the Givers), David Geduld, Ruth Arnolds (raadslid), Thobela Mboleka (Gift of the Givers), Allan Oliver en Bellmordene Robson. Johan de Vries sit voor in sy nuwe rolstoel.
Gift of the Givers gee geskenk van mobiliteit
