Daar was onlangs ’n Volksblad-plakkaat met die woorde “Skietdrama in Bfn: ‘My man is bipolêr’ ”. Marenet Jordaan, wat nie geweet het of sy moet lag, huil of sug toe sy die plakkaat sien nie, vertel van haar eie reis met bipolêre gemoedstoornis.
Ek sien nou die dag op Facebook foto’s van Volksblad se daaglikse straatplakkate. Een daarvan handel oor ’n skietdrama in Bloemfontein. Maar al wat by my vassteek is: “My man is bipolêr”.
Dadelik weet ek nie of ek moet lag, huil, sug of net verder afbeweeg op my tydlyn nie.
