Jou leefstyl en dieet speel ’n sleutelrol in hoe jou liggaam jou kos verteer. Dit kan óf maak dat jy gesond en energiek voel, óf jou sonder energie en mislik laat voel. Waar begin jy soek na die probleem en oplossing as jy in laasgenoemde kategorie val? Mariza van Zyl, ’n geregistreerde dieet- kundige van die Paarl, sê spysverterings-ongemak is werklik baie persoonlik.
Sommige mense kan enigiets eet en ander dink net aan ’n koekie of poeding en siedaar – 24 uur se ongemak. “Dit is gewoonlik ’n komplekse situasie en nie noodwendig die gevolg van ’n enkel voedsel-item of blootstelling aan ’n spesifieke voedselitem nie. Brood en koring met gis en verfynde suiker is meestal groot snellers vir ongemak sowel as produkte ryk aan vesel,” sê sy.
Mariza sê sommige mense beleef intense episodes van ongemak wat die volgende kan insluit: opgeblasenheid, ongemak, pyn, ongereelde stoelgang en selfs pyn. Ander sukkel weer deurlopend met simptome wat vaag is – hulle kan nie heeltemal hul vinger lê op die verband tussen dit wat hulle geëet, gedoen of gedrink het nie.
