Klaarblyklik het klein en groot ’n probleem om “nee, dankie” te sê vir ongesonde kos en al oefening wat baie van ons kry, is dié wat ons met ons kake doen. Statistieke toon juis Suid-Afrika het die hoogste syfer van vetsug in Afrika suid van die Sahara, met tot 70% van vroue en een derde van mans wat as oorgewig of vetsugtig beskou word!
WANNEER IS JY TÉ VET?
Volgens die Wêreldgesondheidsorganisasie (WGO) word iemand as oorgewig of vetsugtig geklassifiseer as hulle ’n abnormale of oormatige hoeveelheid vet het wat hul gesondheid nadelig kan beïnvloed. ’n Mens se liggaamsmassa-indeks (BMI) gee ’n aanduiding van of jy oorgewig of vetsugtig is. BMI word bereken deur jou gewig in kilogram te verdeel deur jou lengte in meter. As ’n vrou met ’n gemiddelde lengte ’n BMI van 25 het, is sy oorgewig en met ’n BMI van 30 beteken dit sy is vetsugtig.
