As ’n politieke party kunstenaars in die steek laat, moet kunstenaars eenvoudig hul stem in die komende plaaslike verkiesing vir ’n ander politieke party gee.
Dít is een van die standpunte wat Woensdag by ’n betoging deur kunstenaars op Mary Fitzgerald-plein in Newtown, Johannesburg, gaan opklink.
Die betoging, bekend as die Artists Anti-Manifesto Rally, is deur die protesgroep Abahlali Movement Drive (AMD) georganiseer sodat kunstenaars hul stem kan dik maak oor die aangepaste vlak 1-inperking – en politici wat weens die skending van kunstenaars se regte by die stembus daarvoor moet boet.
