’n Brief wat die Nederlandse kunstenaar Herman van Veen 14 jaar gelede aan die kinder-boekillustreerder Alida Bothma geskryf het ná haar dogter, Anina, se dood, het gelei tot die betowerende nuwe prente-boek ‘In jou gedagtes’, wat belangrike gesprekke oor moeilike onderwerpe tussen ouer en kind kan stimuleer, skryf Magdel Vorster.
In jou gedagtes deur Herman van Veen, met illustrasies deur Alida Bothma en in Afrikaans vertaal deur Zandra Bezuidenhout. Uitgewer: Protea Boekhuis. Prys: R185.
Danksy ’n toevallige ontmoeting 14 jaar gelede tussen die Nederlandse sanger en woordkunstenaar Herman van Veen en die bekroonde kinderboekillustreerder Alida Bothma is die Afrikaanse kinder-en-jeugboekliteratuur ’n betowerende hardeband-prenteboek ryker.
