Meer as 40 miljoen eksemplare van Jodi Picoult se romans is wêreldwyd in druk, en nou is ‘Die belydenis’, die eerste van minstens drie beplande Afrikaanse vertalings deur Daniel Hugo, op die rak.
Die veelbekroonde Amerikaanse skrywer Jodi Picoult het meer as 25 boeke op haar kerfstok wat al in 34 tale vertaal is.
Haar roman Plain Truth (2000), wat die storie vertel van Katie Fisher, ’n ongetroude Amiese meisie wat beskuldig word van die moord op haar pasgebore baba, het pas in Afrikaans verskyn by Jonathan Ball onder die titel Die belydenis.