Sentaler, ’n Kanadese maatskappy wat luukse jasse, baadjies en bykomstighede vervaardig, het verlede week stil-stil sy eerste verskyning op die Londense Modeweek gemaak, heel moontlik in die hoop dat sy verbintenis met prins Harry se verloofde, Meghan Markle, die kasregisters sal laat klingel.
Die “Meghan-effek” is reeds duidelik elke keer as die aktrise in die openbaar verskyn: enigiets van haar stewels, handsak of jas word dan dadelik opgeraap.
Sentaler se verbintenis met Markle het op Kersdag verlede jaar begin toe Markle een van hul ontwerpersjasse na die koninklikes se tradisionele Kersdiens in die St. Mary Magdalene-kerkie in Sandringham gedra het.
