Paris Jackson, dogter van die ontslape sanger Michael Jackson, is Sondag in die hospitaal opgeneem nadat sy blykbaar probeer het om haar eie lewe te neem.
Volgens TMZ het familiebronne gesê dit is grootliks te wyte aan die dokumentêr oor haar pa, Leaving Neverland. SkyNews berig egter ingeligte bronne sê dat dit nie die geval is nie.
Die polisie en nooddienste het Saterdag omstreeks 07:30 by Paris se huis in Los Angeles aangekom, aldus TMZ. Sy het glo haar polse gesny en is na ’n hospitaal geneem.
