Smeltkroes, ’n musiekproduksie deur Luna Paige wat handel oor identiteit, dra op die Toyota US Woordfees sy derde baadjie.
Dit is in 2018 op RSG opgevoer, waarna ’n uittreksel verlede jaar op die Tuin van Digters-fees in Wellington opgevoer is. Volgende maand is dit te sien op die kassie as deel van die Woordfees.
Paige het die teks saamgestel, geskryf en sing ook van haar eie werk saam met die sanger-liedjieskrywer Frazer Barry, die pianis en komponis Ramon Alexander, die digters en sangers Jolyn Phillips en Shirmoney Rhode, en die akteurs en sangers Devonecia Swartz en Breyten Treurnicht.
