Michael Jackson se broerskind Jaafar Jackson gaan sy oom speel in ’n nuwe biografiese rolprent oor die ontslape pop-ikoon.
Die rolprentvervaardigers Lionsgate het hierdie nuus Maandag aangekondig en Jaafar het op Twitter geskryf hoe geëerd hy is om die rol te vertolk.
Die rolprent Michael word in samewerking met Jackson se familie gemaak en bied kykers ’n “diepgaande blik op die man en ons broer wat die koning van pop geword het”, het ’n verklaring van die Jacksons oor die rolprent vroeg verlede jaar gelui.
