In die nuwe eenmankabaret Devil Song vertolk die akteur en sanger Schoeman Smit alles van skelms, moordenaars, verleiers en bedrieërs tot verraaiers, tiranne, swerwers en diewe.
Die toneelstuk, wat gegrond is op die aktrise en sopraan Audra McDonald se liedsiklus The Seven Deadly Sins, ondersoek temas rondom die sewe doodsondes, soos gierigheid, wellus, woede en vraatsugtigheid. Dit het Maandag by die Avalon-teater in Kaapstad gedebuteer.
Ondanks die titel is dit eintlik ’n lighartige produksie, sê David Fick, die samesteller, regisseur en ’n medeskrywer.
