Die Amerikaanse rockgroep +LIVE+ het aangekondig dat hulle ook weens die pandemie gedwing is om hul toer na Suid-Afrika uit te stel.
Die groep – wat bestaan uit Ed Kowalczyk (sang, kitaar), Chad Taylor (kitaar, sang), Patrick Dahlheimer (baskitaar) en Chad Gracey (tromme, slagwerk) – sou op 6 November in Pretoria en op 10 November in Kaapstad opgetree het.
Dié datums is nou met ’n jaar aangeskuif: Hulle sal op 2 November (2021) in die Grand Arena in GrandWest, Kaapstad, te sien wees, en net ’n paar dae later op 5 en 6 November in Time Square se Sun Arena in Pretoria.
