Absolutely Nuts! is gewis ’n titel so reg in die kol om ’n melodrama wat eersdaags in Gqeberha opgevoer word, mee te beskryf.
“Dit gaan ’n behoorlike komedie propvol skreeusnaakse humor, oordrewe karakters en vrolike saamsing-liedjies wees,” sê Tarryn Light, eienaar van Tarryn Light Productions en regisseur van dié produksie.
“ ‘There is nothing in the world so irresistibly contagious as laughter and good humor,’ aldus Charles Dickens, en deesdae, veral in die tye van die pandemie al wat ’n pes is, is ’n uitbundige lagbui al wat ons graag sal wou aansteek!”
