Hoe beland ’n professionele persoon met ’n loopbaan en gesin op straat en word ’n boemelaar? Dit is die vraag wat in die radiodrama Onderhoud met ’n boemelaar in Radioteater op RSG gevra word.
Dié teks deur Karin du Toit is die verhaal van Einstein, ’n boemelaar wat saam met sy vriend Skerf in ’n park woon.
Dis nie hul regte name nie, en hulle leef soos alle haweloses van die hand na die mond, en deur die goedhartigheid van ander mense. Einstein is paranoïes en glo hy word dopgehou. Skerf is spraaksaam en altyd op soek na ’n “deal”.
