Aktivisme: Sy sit en borduur namens dié wat nie kan

Nell-Louise Pollock is self ’n slagoffer van verkragting en het vyf jaar gelede op aanbeveling van haar terapeut begin borduur.

Dit wat eers net haar kreatiewe brein moes stimuleer tussen terapiedae is nou haar heeltydse werk. Sy borduur kussings, tafeldoeke, lap en bykomstighede.

Sedert 25 November 2021 – toe verlede jaar se 16 dae van aktivisme teen geslagsgeweld begin het – borduur sy die name van vroue en kinders wat die afgelope jaar weens geslagsgeweld dood is.