Ouers wat hul kinders oorbeskerm en álles vir hulle doen, doen hulle ’n groot onreg aan, omdat hulle nooit leer dat hulle dinge self kan doen nie.
Ansa Lange, stigter van Future Fit Parenting wat ouerskapondersteuning bied, sê ’n kind kry so die boodskap dat jy nie vertroue in sy vermoë het nie of dat hy nie verantwoordelikheid hoef te aanvaar nie.
Die terapeut en lewensafrigter van Bloemfontein sê dié kinders sukkel later in hul volwasse lewe om aan te pas, omdat hulle geleer het alles word vir hulle gedoen.
