Hotel in Franschhoek op lys van beste nuwe hotelle ter wêreld

’n Hotel in Franschhoek is as een van die 100 beste nuwe hotelle ter wêreld op ’n internasionale reiswebwerf aangewys.

Sterrekopje in die Franschhoek-vallei is saam met hotelle in lande soos Mosambiek, Katar, Israel, Japan, Indië en Australië en wêreldstede soos New York op Travel + Leisure se 2022 It-lys.

Luidens ’n verklaring van die reiswebwerf het die reisbedryf ’n onstuimige tyd beleef, maar het die pas waarteen nuwe hotelle geopen is en opknappings gedoen is nie afgeneem nie.