As ek meer ervaring gehad het met twee wiele en ’n 125 cc-enjin, sou ek die 600 km lange Mae Hong Son-sirkelroete vroualleen op my gehuurde poegie aangepak het.
Daar kan enige langpadgeesdriftige uitsien na duisende haarnaalddraaie wat kronkel na Thailand se hoogste bergpiek, en dan swenk en tiekiedraai tussen die inheemse bergwoude op die grens van Thailand en Mianmar deur.
Pleks daarvan het gesonde verstand geseëvier. Ek het steeds dele van die sirkelroete per poegie verken, maar om tyd en energie te spaar het ek ook hier en daar ’n vlug gevang.
