Neem deel aan kliniese proewe en dra by tot mediese navorsing

akkreditasie
0:00
play article
Intekenare kan na hierdie artikel luister
Alle kliniese proewe word deur ’n data- en veiligheidsmoniteringskomitee gereguleer. Foto: ISTOCK
Alle kliniese proewe word deur ’n data- en veiligheidsmoniteringskomitee gereguleer. Foto: ISTOCK

Daagliks doen verskeie instansies navorsing vir beter medikasie en gesondheidsbehandeling deur middel van kliniese proewe, maar gewoonlik is die probleem om pa­siënte te kry om aan dié soort studies deel te neem.

Dr. Caryn Upton, wetenskaplike beampte van TASK, ’n Suid-Afrikaans-gebaseerde, multina­sionale navorsingsinstituut wat kliniese proewe in die ontwikkeling van nuwe gesondheidsbehandelinge doen, sê sonder kliniese proewe sou geen nuwe medikasie ontwikkel of beskik­baar gestel kon word vir gebruik nie.

“Dit is in wese die proses waardeur alle medikasie moet gaan om veilig en doeltreffend verklaar te word vir menslike gebruik.”

Volgens sr. Trudie van der Westhuizen, klinieseproewe-koördineerder van SomersetwestGP, is die doel van kliniese proewe om doelgerig te diagnoseer en die regte behandeling te gee. “Alle medikasie en prosedures was eens op ’n tyd deel van studies,” sê sy.

Vier fases

Dr. Upton sê daar is verskeie soorte navorsingstudies en die kliniese proewe word gewoonlik in vier kategorieë, of fases, van lineêre ontwikkeling opgedeel:

• Fase een is waar nuwe medikasie toegedien word, meestal aan gesonde vrywilligers. Dit gebeur ná die pre-kliniese evaluasiefase waartydens die middel in ’n laboratium en op diere getoets en veilig verklaar is.

• Tydens fase twee word die medikasie getoets op vrywilligers wat gediagnoseer is met die spesifieke toestand waarvoor die medikasie ontwikkel word.

• In fase drie word die medikasie toegedien aan ’n groot groep vrywilligers (tot 3 000) by wie die spesifieke toestand ge­diagnoseer is. Studies in hierdie fase duur dikwels ’n aantal jare en die doel van fase drie is om die doeltreffendheid van die nuwe medikasie te vergelyk met bestaande middels vir dieselfde toestand.

• In fase vier word die medikasie getoets vir enige newe-effekte wat dit oor ’n lang tydperk kan veroorsaak nadat die middel reeds op die mark is.

Volgens sr. Van der Westhuizen kan kliniese proewe enigiets van een tot 10 jaar duur.

“Dit hang af van data-insameling en die betrokke navorsingsinstituut.”

Sy sê ook enige persoon met ’n spesifieke mediese toestand, wat aan die kriteria van die spesifieke studie voldoen en ’n verskil wil maak in die samelewing, kan aan die proewe deelneem.

Dr. Upton meen baie mense is skrikkerig of bekommerd om aan ’n studie deel te neem wat nuwe en onbekende middels toets.

“Hulle wonder wat met hulle sal gebeur as hulle aan die studie deelneem of as hulle hulle wil onttrek nadat die proewe begin het. Voordat die vrywilligers met die proewe begin, kry hulle die geleentheid om al hul vrae te vra en hul bekommernisse met die mediese personeel te bespreek.

“Dit is waar dat kliniese proewe sekere risiko’s inhou en daar is ’n moontlikheid om ernstige newe-effekte te ontwikkel. Om hierdie rede word die studies goed gereguleer en uitgevoer deur professionele, gekwalifiseerde mediese en navorsingspersoneel. Dit is hul plig om toe te sien dat alles moontlik gedoen word om leed aan die vrywilligers te voorkom en seker te maak dat hulle veilig en gemaklik is.”

Sr. Van der Westhuizen sê alle kliniese proewe word eers goedgekeur en deurgaans gemonitor deur die streng riglyne wat bepaal word deur ’n data- en veiligheidsmoniteringskomitee.

“Elke studielokaal het ’n studiehoof wat moet toesien dat die protokol streng gevolg word. Die mense wat aan kliniese proewe deelneem, neem vrywillig deel.”

Die beste ding wat deelnemers aan kliniese proewe kan doen om by te dra tot die bewustheid van dié soort studies, is om hul ondervinding eerlik met almal om hulle te deel, sê dr. Upton.

“Hoewel sommige mense negatiewe ervarings kan hê, ondervind ons dat die meeste vrywilligers ’n baie positiewe ervaring het en ander sal aanmoedig om ook deel te neem.”

Voordele verbonde daaraan om aan kliniese proewe deel te neem

Sr. Van der Westhuizen noem dié voordele:

1. Pasiënte wat deelneem aan die proewe word behandel met ’n nuwe produk voordat dit op die mark beskikbaar is.

2. Pasiënte kyk meer aktief na hul eie gesondheid.

3. Pasiënte kry deurgaans van die beste mediese sorg tydens kliniese proewe.

4. Pasiënte kry die geleentheid om ander mense te help ten opsigte van beter behandeling in die toekoms.


GEBORG

Synexus

Synexus

Help ons om wêreldmedisyne te bevorder. Synexus soek tans vrywilligers vir kliniese proewe. Vrywilligers wat 60 en ouer is, sal help om entstowwe te toets vir respiratoriese sinsitiale virus, ’n algemene virus wat vir ouer volwassenes gevaarlik is.

Indien jy in aamerking kom, sal jou deelname ’n gesondheidsondersoek en proefverwante sorg inlsuit met geen waglys nie.

Doen iets lonend! Skakel 012 004 2297 of besoek studieRSV-za.com.

Tiervlei Trial Centre (TTC)

TTC

Tiervlei Trial Centre (TTC) is ’n goed gevestigde privaat kliniese middelproefsentrum wat spesialiseer in nasionale en internasionale kliniese middelproewe. Sedert 2000 het hulle meer as 400 middelproewe suksesvol uitgevoer in verskeie terapeutiese gebiede, op beide volwassenes en kinders. Meer onlangs was hulle betrokke by die suksesvolle registrasie van Pfizer se Covid-19-entstowwe.

Hulle doen tans middelproewe in 14 verskillende terapeutiese gebiede. TTC se ervare mediese span spesialiseer in kliniese studies/farmakologie, pediatriese pulmonologie, interne geneeskunde, gastro-enterologie, longtegnologie en kardiologie.

Skakel TTC by 021 957 9400 vir meer inligting en om vas te stel of jy vir deelname aan enige van die studies kwalifiseer. Hul vriendelike span staan gereed om ’n verskil te maak.

besig om te laai... Regstreeks
London Irish 3
Montpellier 0
besig om te laai... Regstreeks
Stade Francais 0
Benetton 3
besig om te laai... Regstreeks
USA Perpignan 0
Bristol Bears 14
besig om te laai... Regstreeks
Netherlands 0
Argentina 1
besig om te laai... Regstreeks
Pakistan 107/2
England 281/10
besig om te laai... Regstreeks
South Africa 335/7
Cricket Australia XI 0
besig om te laai... Regstreeks
West Indies (w) 0
England (w) 178/5
besig om te laai... Regstreeks
Australia 511/7
West Indies 102/4
Rand - Dollar
17.36
-1.0%
Rand - Pond
21.30
-1.3%
Rand - Euro
18.30
-0.9%
Rand - Aus dollar
11.81
-1.5%
Rand - Jen
0.13
-1.2%
Goud
1,799.40
+0.6%
Silwer
23.54
+2.0%
Palladium
1,959.04
+1.5%
Platinum
1,031.00
+2.1%
Brent-ruolie
76.15
-1.3%
Top-40
68,351
+0.1%
Alle aandele
74,548
+0.1%
Hulpbronne 10
73,315
-0.7%
Industriële 25
92,605
+1.0%
Finansiële 15
15,401
-0.9%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos