’n Negejarige meisie van Lesotho het in die Vrystaatse hooggeregshof getuig hoe sy verkrag is deur die Deense wapenhandelaar van Bloemfontein in wie se vrieskas die polisie afgesnyde klitorisse gekry is.
Peter Frederiksen, wat in September 2015 opspraak gemaak het toe nege klitorisse in sy meenthuis in Langenhovenpark gevind is, het Maandag in die Vrystaatse hooggeregshof skuld op 58 aanklagte ontken.
Die meisie wat by Frederiksen se meenthuis gekuier het, het in camera deur middel van ’n tussenganger oor seksuele dade met hom voor regter Johann Daffue getuig.
