3 vrygelaat wat ondervra is oor moord op Duitse toeris – Cele

Die drie mense van belang wat aangehou is ná die moord op ’n Duitse toeris naby die Krugerwildtuin, is vrygelaat, sê Bheki Cele, minister van polisie.

Hy het Vrydag tydens ’n imbizo in Inanda, Durban, aan joernaliste gesê die polisie het waardevolle inligting by die mans gekry.

Volgens Cele het die polisie nou inligting oor die identiteit van iemand wat meer lig kan werp op wat gebeur het. Hulle kyk ook na die voertuig waarin die aanvallers van die moordtoneel af gevlug het.