Bekende Vrystaatse boer sterf toe helikopter val

Jurie Wessels (71), ’n bekende boer van Hennenman, is Maandagoggend by Parys dood toe sy helikopter ten tyde van die landing geval het.

Jaco de Villiers sê volgens omstanders het hulle gesien hoe sy swaer se helikopter sak om te land en naby die grond was toe dit onverklaarbaar neergestort het.

Volgens hom het Wessels sowat 30 jaar ondervinding in die vlieg van vastevlerkvliegtuie en helikopters gehad, en hulle weet nie wat gebeur het nie.