Die Bloemfonteinse gesin van vier wat Donderdag in ’n treurspel in Soetehoop-woonstel 4 agter Ons Kinderhuis in Victoriaweg dood is, word Saterdag op verskillende plekke in die land ter ruste gelê.
So sê Elton Bagoe, ’n familievriend van sowel Terry Kagande (48) as sy vrou, Cindy (42), wat met die begrafnisreëlings help.
Volgens hom sal Cindy en die twee kinders, Jade Leonard (17), haar dogter uit ’n vorige huwelik, en Isiah Kagande (13), die egpaar se seun, Saterdag by hul familie in Graaff-Reinet in die Oos-Kaap begrawe word, en sal Kagande Saterdag in Johannesburg begrawe word.
