Die e-beursie-stelsel waarop meer as 40 000 sogenaamde “vennote” van die omstrede sakeman Louis Liebenberg in sy Forever Diamonds and Gold- (FDG) en Tariomix-skema, handel gedryf het, is amptelik gesluit.
Liebenberg het Vrydag die onderbrekings aan sy webwerwe en e-beursie-stelsel aan “tegniese probleme” by sy diensverskaffer, AE Switch, toegeskryf.
Tiaan Lombard, uitvoerende hoof van AE Switch, het egter aan Netwerk24 bevestig dat AE Switch se dienste aan Liebenberg Donderdag “onbepaald beëindig” is.
