Op die 590ste dag sedert die moord op ds. Liezel de Jager van Amanzimtoti in KwaZulu-Natal het die organisasie Action Society ’n klag teen die Suid-Afrikaanse Polisiediens by die Menseregtekommissie (MRK) ingedien weens die versuim om die moord te ondersoek.
Dit is ’n mistroostige wintersdag in die Paarl en Ian Cameron van Action Society sug diep en mismoedig toe hy gevra word oor die polisie se hantering van die saak.
“Dit is nie net in Liezel se geval wat die polisie sloer nie, daar is soveel ander sake ook.
