’n Dringende hofbevel waarvoor die omstrede diamantsmous Louis Liebenberg Dinsdag sou aansoek doen, is nie Dinsdag aangehoor nie.
Liebenberg wil die e-beursie-diensverskaffer AE Switch dwing om aan sy “vennote” in sy diamantskema toegang tot hul e-beursies te gee.
Walter Niedinger, Liebenberg se regsverteenwoordiger, sê die aansoek is nie Dinsdag by die hooggeregshof in Pretoria ingedien nie, maar dat dit “beslis hierdie week” nog gebring gaan word. Hy wou nie verdere kommentaar lewer nie en het slegs gesê hy sal ná afloop van die saak terugvoering gee.
