Eerste passasierskip besoek Hermanus in Desember

Groot opgewondenheid heers oor die eerste passasierskip wat in Desember vanjaar in Walkerbaai in die Overstrand-gebied gaan anker gooi.

Die Overstrand-munisipaliteit het vandeesweek bekend gemaak dat dit volg op suksesvolle onderhandelings met belangepartye in die bedryf.

Dean O’Neill, munisipale bestuurder, sê by navraag die eerste skip wat verwelkom sal word, is die Hanseatic Spirit (van Malta) wat die roete tussen Mauritius en Kaapstad sal volg.