Gimnastiek Suid-Afrika het begin met ’n ondersoek ná klagtes deur ouers en gimnaste oor ’n bekende afrigter van Bloemfontein wat na bewering oor jare heen meisies glo verkrag, gemolesteer en emosioneel afgeknou het.
Die afrigter het verlede week sy eie lewe geneem net dae nadat ’n slagoffer van die betrokke klub geëis het dat hy in die openbaar om verskoning vra dat hy haar verkrag het, dat hy opgeneem word vir behandeling en nooit weer kinders mag afrig nie.
Ouers van gimnaste het Gimnastiek SA ná sy dood versoek om die gebeure te ondersoek en ook vas te stel waarom Gimnastiek Vrystaat en die klub oor jare heen niks gedoen het om in te gryp nie.
