Sedert die Wet op die Beskerming van Persoonlike Inligting (Popia) op 1 Julie 2021 bekragtig is, het verbruikers meer as 700 klagtes by die Inligtingsreguleerder aangemeld wat met regstreekse bemarking verband hou.
Adv. Pansy Tlakula, voorsitter van die Inligtingsreguleerder, het gesê dit is ’n ernstige bron van kommer en ’n aanduiding dat verantwoordelike partye nie aan die Popi-wetgewing voldoen nie.
“Die reguleerder is bekommerd dat Suid-Afrikaners steeds gebombardeer word deur ongevraagde regstreekse bemarkingsboodskappe wat nie aan Popia voldoen nie,” het Tlakula Woensdag op ’n media-ontbyt van die reguleerder in Johannesburg gesê.
