Hoewel die Afrikaanse Taalmuseum- en Monument (ATM) in die Paarl ’n skoon oudit behaal het, heers kommer oor sy finansiële volhoubaarheid, asook uitdagings wat hy met instandhouding en veiligheid ondervind.
Volgens ’n voorlegging wat Vrydag deur die ATM oor sy jaarverslag vir die 2021-22’-boekjaar aan LP’s gelewer is, verg verskeie van die geboue op die terrein wat deur die publiek besoek word, dringende instandhoudingswerk.
Van die uitdagings sluit in strukturele skade aan die amfiteater en “onstabiele vloere” in die museum wat veroorsaak dat slegs 15 mense op ’n slag daarbinne kan wees.
