KYK: Hier is ‘Sarie’ se jongste voorbladgesig

’n Ma van Kimberley sal binnekort haar gesig op winkelrakke sien nadat sy gekies is as die wenner van die tydskrif Sarie se voorbladgesig-kompetisie.

Monique Robinson (34), met die bynaam Nicqie, met haar kort blonde hare het uitgestaan onder die finaliste. Sy sê haar hare het haar baie oor haarself geleer.

“Ek het altyd gedink lang blonde hare maak jou mooi, en toe ek my hare kort sny, was dit eintlik ’n statement waarmee ek myself van dié idee bevry het,” sê sy.