Die radiostasie Luister!FM het hom gedistansieer van sy voormalige direkteur Carel du Preez, kêrel van die vrou wat onlangs in Gqeberha ontvoer is.
Du Preez is by verskeie aantygings op sosiale media betrek nadat Riana Pretorius vroeër vandeesmaand voor haar werkplek in Newton Park ontvoer is. Sy is Vrydag ongedeerd teruggevind.
Luister!FM sê in ’n verklaring Du Preez het reeds verlede jaar as direkteur bedank en het geen verbintenis meer met die radiostasie nie. Hy maan terselfdertyd mense om nie ongegronde aantygings teen Du Preez te versprei nie.
