Vir ’n jong paartjie van Suid-Afrika was dit omtrent ’n nagmerrie-ervaring om van Frankryk na Suid-Afrika terug te keer. Dít nadat hulle reeds bykans drie maande weens die Covid-19-pandemie op ’n passasierskip gestrand was.
Terug op eie bodem is hulle twee weke in kwarantyn in die Centurion-hotel.
Megan Theart (28, van Centurion) en haar kêrel, Llewellyn Janse van Rensburg (25, van Worcester), het op 19 Januarie by die hawe in Kaap Canaveral, Florida, in die VSA by die Norwegian Breakaway-passasierskip aangemeld. Hulle is albei werknemers van Park West Gallery wat kunswerke op skepe verkoop.
