’n Ouerpaar van Citrusdal in die Wes-Kaap se gemoed is vol vrae nadat hul 27-jarige seun na bewering net voor Kersfees deur sy vrou doodgery is.
Brett Ludick, ’n polisieman in Citrusdal, is skynbaar op 11 Desember deur sy vrou, die 31-jarige Victoria of “Viccie”, in Blue Downs op die Kaapse Vlakte getref. Hy is later die middag in die Melomed Gatesville- private hospitaal in Athlone dood.
Volgens die polisie se provinsiale woordvoerder, kapt. Nowonga Sukwana, ondersoek hulle ’n saak van strafbare manslag.
