’n Saak van beweerde grootskaalse bedrog en diefstal teen nege beskuldigdes wat na bewering 12 jaar gelede saamgesweer het om sowat 30 staatseiendomme van miljoene rand in gesogte dele van Johannesburg van die metro te steel, het destyds wyd opslae gemaak. Maar nie soveel soos toe ’n voormalige prokureur en deesdae ’n “realiteitstelevisie-ster” onlangs in die hof as een van die beskuldigdes verskyn het nie.
Drie van die beskuldigdes het skuld beken en is tronk toe. In die jare daarna het die saak skynbaar stil verbygegaan. Die laaste ses beskuldigdes het skuld ontken en die saak kon tot vandag toe nog nie by ’n verhoor kom nie.
Maar nou is een van die prominentste beskuldigdes in die klagstaat gereeld op TV saam met sy gemanikuurde blonde vrou en hulle trek kykers oor die land se aandag in die kykNET-realiteitsreeks Die Real Housewives van Pretoria.
