Plaaswerker skenk R10 vir boer se operasie ná ongeluk

’n Boer en plaasbestuurder van Noordwes is van sy nek af verlam nadat hy tydens ’n ongeluk ’n hartaanval gekry het.

Izak Potgieter (52), wat tussen Hartbeesfontein en Ottosdal woon, het op 6 Augustus in dié omgewing saam met plaaswerkers ’n veldbrand bestry.

Sy dogter, Cindy Booyse, sê haar pa het omstreeks 20:30 die plaaswerkers by hul huise gaan aflaai. Hy was kort hierna, net 2 km van sy huis, in ’n ongeluk en het ’n hartaanval gekry.