R30 tussen Allanridge en Bothaville eis nóg ’n lewe

Die “pad van die dood” tussen Allanridge en Bothaville in die Vrystaat het die naweek nog ’n lewe geëis, wat die dodetal op die R30 sedert Februarie vanjaar op minstens 30 te staan bring.

Vrydagaand is een mens dood en nog drie ernstig beseer in ’n botsing tussen twee voertuie naby die waterpan op die pad, het die nooddiens 1Life911 op sy Facebookblad gesê.

Kapt. Stephen Thakeng, polisiewoordvoerder, sê die polisie is omstreeks 20:25 ontbied na die ongelukstoneel langs die silo’s op die R30.