Die regulasies vir toerisme onder die risiko-aangepaste strategie rakende die Covid-19-pandemie is verder gewysig en het Dinsdag van krag geword.
Dié wysigings van Mmamoloko Kubayi-Ngubane, minister van toerisme, is in die Staatskoerant gepubliseer en sluit in voorskrifte vir attraksies, troues, uitstallings en gesellighede.
Ingevolge die regulasies omvat toeriste-attraksies ook temaparke, pretparke, waterparke, familie-vermaaksentrums, natuur- en wildreservate, nasionale parke, botaniese tuine, dieretuine, akwariums en ander attraksies vir kultuur en vermaak.
