’n Suid-Afrikaanse vrou wie se lewenslange vonnis vir dwelmhandel in Thailand verlede jaar tot 33 jaar verkort is, hoop dat die hooggeregshof in dié land haar saak in heroënskou sal neem. Sy skryf in ’n hartroerende brief aan haar familie “niks is permanent nie”.
Ashley Oosthuizen (23), ’n oudleerling van die Hoërskool Outeniqua in George, is in 2018 na Thailand nadat sy die vorige jaar gematrikuleer het.
Sy is op 8 Oktober 2020 by ’n restaurant waar sy gewerk het in hegtenis geneem nadat sy geteken het vir ’n pakkie (waarin daar dwelms was) wat geadresseer was aan ’n vriend van die restaurant se eienaar. Oosthuizen sê sy het nie geweet wat in die pakkie was nie en ontken skuld. Die restaurant het intussen toegemaak.
