Inwoners van Knoppieslaagte, Timsrand en die groter Mnandi in die Centurion-gebied is Maandagaand aangeraai om hul wonings te ontruim te midde van betogings deur mense wat grond in die Olievenhoutbosch-omgewing onwettig beset.
Lukas Olivier van ’n gemeenskapspolisiëringsforum (GPF) en ’n grondeienaar in die gebied het Maandagaand in ’n stemboodskap aan dié inwoners gesê ’n besluit is geneem om hulle aan te raai om hul kleinhoewe en eiendom te ontruim indien hulle wil en kan. Hy het gesê dit is nie ’n maklike boodskap nie.
Dit volg op vergaderings met die polisie, veiligheidsmaatskappye in die omgewing en die GPF.
