Die Vrystaatse Krieketunie het die spysenier die trekpas gegee wat Vrydag met die eerste eendagwedstryd tussen die Proteas en die Engelse in Bloemfontein die gaste en media se etes moes voorsien.
Die unie was glo in die verleentheid toe die 85 gaste in die presidentslosie, asook die media, kommentators en TV-spanne se aandete meer as ’n uur laat voorgesit is en koud was.
Die aandete moes tussen die twee kolfbeurte gewees het, maar die kos is baie laat voorgesit. Die spelers se ete was egter betyds.
