Alle paaie in die Oos-Kaap was teen Donderdagmiddag vir verkeer heropen nadat verskeie hoofpaaie sedert die oggend versper was deur taxi-operateurs wat aan die leerlingvervoerprogram deelneem.
Hulle betoog teen probleme met betaling aan hulle.
Unathi Binqose, woordvoerder van die Oos-Kaapse departement van vervoer, het Donderdagoggend in ’n verklaring gesê paaie in en om Matatiele, Maluti en eMaxesibeni (Mount Ayliff) is met onder meer vragmotors versper. Hy het die middag bevestig dat wetstoepassers intussen al die paaie heropen het.
