Die meeste Suid-Afrikaners het nie uiterste sienings nie en het met grootmoedigheid en geduld gewag op ’n meer regverdige gemeenskap, maar hul geduld raak op.
Dít is die boodskap van die Desmond en Leah Tutu Erfenisstigting op Versoeningsdag.
Die stigting het in ’n verklaring gesê die staat sal sy integriteit dringend in die oë van die mense moet herstel deur te toon dat hy die wil en vermoë het om korrupsie, wanadministrasie, onvoldoende dienslewering en die uiterste vlakke van ongelykheid in die land te takel.
