’n Tydelike bestuurder is aangestel by die Mangaung- korrektiewe sentrum omdat die huidige direkteur “nie meer doeltreffende beheer oor die fasiliteit het nie”.
So het Makgothi Thobakgale, nasionale kommissaris van die departement van korrektiewe dienste (DKD), Donderdag aan verslaggewers gesê.
Die DKD het ’n nuuskonferensie by die Grootvlei- korrektiewe sentrum in Bloemfontein gehou oor die jongste inligting rakende die ontsnapping van Thabo Bester, bekend as die Facebook-verkragter en ook ’n veroordeelde moordenaar.
