Vrystaat Landbou gee R50 000 vir Jagersfontein-boere

Vrystaat Landbou (VL) het ’n bedrag van R50 000 uit sy rampfonds aan die Jagersfontein-boerevereniging bewillig om te help met die onmiddellike nood ná verlede naweek se slikramp.

Boere in die Jagersfontein-omgewing wat die Wolwas- en Kromellenboogspruit as natuurlike veesuiping gebruik het, is nou genoodsaak om water aan te ry vir hul diere.

Die spruit is onbruikbaar weens dik slik nadat die wal van ’n slikdam in die vroeë oggendure van 11 September meegegee het.