Walus ‘oukei’ ná aanval in tronk

Julian Knight, Janusz Walus se regsverteenwoordiger, het Dinsdagoggend in ’n radio-onderhoud op 702 sy kommer uitgespreek oor die veiligheid van sy kliënt voor sy vrylating op parool uit die Kgosi Mampuru II-gevangenis in Pretoria.

Hy het gepraat voordat Walus in die tronk met ’n skerp voorwerp gesteek is en gesê: “As hy hier bly, gaan daar ’n probleem met sekerheid wees.”

Knight wil hê dat die 69-jarige Walus eerder na sy vaderland, Pole, gedeporteer word.